繼續講下我個頭

上回談及
因遺失舊頭盔
所以購入一個又平又靚的新頭盔
十分滿意
但在搜購新頭盔的同時
看到一個Gundam迷的至愛--
紅彗星頭盔!!!
嘩嘩嘩嘩!!!
訂購約需$1800
價錢略貴
還是不會訂購了......
在網上找到幾款不同的Gundam頭盔:
上一代紅彗星「開面」

Gundam RX-78「開面」

百式「西瓜皮」

看來最漂亮還是新一代的紅彗星全面啊~~~

FF3 & Teleos III

上星期六 泊好銀鯊後

本想把頭盔帶回家中

當我星期日想帶頭盔出街時

我才發現 我把舊頭盔遺留在鄰近的電單車上

就是這樣

在02年學車時買下的OGK FF3頭盔 (見上圖)

便跟我不辭而別了

沒有FF3的日子

只得戴著乘客用的頭盔騎銀鯊

但這頭盔真的不合心意

唯有盡快找到一個新歡

在網上找呀找

給我找到同是OGK的Teleos III

?

外型較FF3平實

但郤深得我心

?

終於

今晚特地驅車到土瓜灣

購下這個新頭盔

延續我的綿羊生涯

Uniqlock

元朗暨濕地公園一日遊

0771
與仇小姐孫婆婆及婷到元朗及濕地公園行行企企飲飲食食
12點到逹元朗
食牛丸、雲吞及牛什
跟住再去食B仔涼粉
芒果腸粉(!!)

味道唔錯
腸粉皮夠滑彈牙又唔「林」
讚!!
益力多蒟蒻XXXX脆脆餅(個名太長記唔到)

普通得o黎又貴($28)
食唔出益力多味
反而有d似中大Med Can檸檬批
B仔涼粉 好誇!!好大兜
四個人都唔會食得晒
生果多到根本「筆」唔到o的涼粉o黎食!!

食完就出發去濕地公園 噚日天陰有雨
天空有雲
反而風景更靚

不過行行下落大雨
唯有行番去訪客中心
睇下展覽
有interactive遊戲
又有一個Star War會議室般o既放映室
可惜播o既o野太悶
睇完
又走去食
今次係公園入面o既大家樂
望住濕地公園水天一色o既景緻
好似連隻雞翼都好食o的
玩到五點
公園閂門
後會有期

案發現場

(Click張相會有多o的解說)

今日
o係Hyatt食完Tea Buffet之後
騎銀鯊到附近o既商場打算買完CD就返屋企

七點左右
當我駛到商場附近o既電單車位時
有一部藍色Majesty o既防盜o係度叫
好嘈
車隔離有名男子o係度搞下搞下
但係就冇去熄個防盜
由得部車係咁o係度叫
我心諗：
呢條友應該唔係車主
當我停低部車
o個條友就離開Majesty
行埋一邊o係度玩狗
但係就一直都冇走開

鎖好部車
我就行去商場
但一路行
一路覺得條友唔係好對路
望番轉頭
見條友又行番去搞部Majesty
個防盜又叫
搞完Majesty
跟住又搞其他車

本來我諗住行番轉頭
將銀鯊泊過隔離街o既電單車位就算
但其實兩堆車位只係一街之隔
條友要走過o黎搞我部車都相當容易

諗諗下
都係決定打去灣仔警署
等警察o黎兇下條友
唔好搞我部車

打o左去灣仔警署
佢話會搵人o黎睇睇
我離遠望住自己部車
而o個條友繼續o係度徘徊
搞完一部又一部

幾分鐘後
一名車主去拎番部車
我見佢同條友講o左幾句
條友跟住就行開o左
我以為個車主見條友鬼鬼鼠鼠
鬧走條友

o係條友離開埋老電之後o既一分鐘內
有一部警車駛至現場
我行番去車位度
諗住同警員講番件事
眼見遠方o既警察
已經截停o左o個條友

陸續有幾個車主o黎拎番部車
警察就叫佢o地睇睇有冇損失
結果
有四部車o既o野俾人郁過
失物包括兩個散紙盒、一個網連袋
另外一條本來屬於A車o既鎖車鏈被人鎖o左落B車度

警方o係o個條友身上搵到以上失物
並得到車主確認
o個條友真係斷到正一正

跟住我連同一眾有損失o既車主就冇得走
提供警方所需資料後
要等CID到場處理

一等就等o左成粒鐘
CIDo黎o左
再影o左幾張相
就邀請我同幾個車主去警署提供多o的資料
最後搞到九點幾差唔多十點先走

呢單o野
真係好警訊!!